CAGAYAN DE ORO CITY – Gusto ni Comelec 10 Director Atty Francisco Pobe Jr nga kada-adlaw mabutang sa hot spot category ang mga lugar sa Northern Mindanao.
Kini samtang nagkaduol ang May 9 elections.Gibutyag ni Pobe nga tuyo niini nga dili magbaton sa kumpiyansa ang gobierno ug publiko batok sa dautang mga pundok nga mosabotahe sa piliay.
Gihimo sa opisyal ang katin-awan nunot sa gitakdang pagpagawas sa Comelec -Manila sa pinal nga listahan sa hot spot areas ning adlawa.
Samtang ipaubos sa Comelec 10 sa special training ang pipila ka mga pulis nga ubos sa Police Regional Office 10 alayon sa May 9 elections.
Gibutyag ni Pobe nga tuyo niini nga magsilbi nga ‘back-up’ ang maong mga pulis kon dunay lugar nga mabutang sa labing taas nga kategorya sa hot spot.
Miingon si Pobe nga subli usab sila magtagbo sa task force sunod bulan alang sa dugang gabayan sa ipatuman nga pagpakatag sa mga otoridad sa mga lugar nga dunay taas ang bahad sa seguridad.
