CAGAYAN DE ORO CITY – Natapos na ang city command conference nga gipatawag sa Commission on Elections (COMELEC) kuyog ang mga stakeholders sama sa PNP ug AFP.
Gibutyag ni Major Ansyari Pumbaya hepe sa Task Force Oro nga nasayud na ang poll body ang ilang mga concerns kung hisgutan ang ilang dakung tahas sa paghatag seguridad sa mga botante nga musalmot sa 2019 midterm elections.
Namahayag si Pumbaya nga nahatag na nila ang ilang copy sa security plan Cagayan de Oro City Police Office kon COCPO.
Masaligon si Pumbaya nga mapugngan sa 65th Infantry Battalion ang kisaw sa mga walhong pundok nga nagtagu-tagu sa mga hinterland barangays ning syudad.
