Dili makalikay si Presidente Bongbong Marcos ug, bisan si Bise Presidente Sara Duterte nga kasuhan sa “in-direct contempt” sa pipila ka abogado o grupo kung ilang supakon ang “enbanc ruling” sa korte Suprema sa makadaghang higayon.
Gitin-aw ni Atty Proculo Sarmen, founder sa Sarmen & Associates Law Office, nga pinakataas nga kaso nga pwede i-reklamo sa duruha mao ang impeachment ilabe na kung mahimong makanunayon ang iyang pagsupak sa ikatolong sanga sa gobyerno.
Subli gipamugos ni Sarmen nga ang mga mahistrado lamang sa SC ang nag-inusara ug intelihente nga maka-interpretar sa balaod sa Pilipinas, busa ang paghagit sa mga huwes sa ilang desisyon mahimong makadaut sa ilang institusyon ug posibleng maigo ang nasud sa “constitutional crisis”.
