Gibulgar ni Atty Vic Rodriguez nga makadaghang higayon nagfile sa pleadings ang defense team ni Senador Jinggoy Estrada aron supakon ug kuwestiyunon ang “timing” sa pagpagula sa warrant of arrest sa iyang kasong plunder kalabot sa Flood Control Project – Corruption Scandal sa Department of Public Works and Highways (DPWH).
Nagtuo si Atty Rodriguez nga ang pinaka maayong buhaton unta sa korte mao ang pagpatuman sa “judicial restraint” sa pagpagawas sa warrant of arrest kay adunay may tahas ang mga hukmanan nga mupatuman niini kung daghan pang pending nga pleadings gikan sa depensa.
Dismayado si Rodriguez sa dagan sa kaso ni Estrada tungod kay wala siya mahatagi sa patas proseso ug nasabtan sa kampo niini nga gidali-dali ang pagpagawas sa warrant.
Kini ang rason nga nagduda usab sa depensa sa politikal nga motibo sa pagsikop sa ilang kliyente.
Hisayran nga ang pagkasikop ni Estrada nakapaminus sa ihap sa Majority Bloc ug gi-ingong krusyal kini sa panahon nga sila magbotar isip senator judges sa kasong impeachment ni Vice President Sara Duterte.
