Makamugna sa anomalosong sitwasyon kung makita sa korte ang mga pleadings sa defense team ni Senador Jinggoy Estrada nga “meritorius”, apan nauna ang paglugwa sa kamanduan nga siya prisohon.
Kini maoy pagsaway ni Atty Vic Rodriguez, Convenor sa Hakbang ng Maisug, kun ugaling ulahi na ang tanan ug nahuman na ang damyos nga gihimo niini ngadto kang Senador Estrada.
Gihimo ni Atty Rodriguez ang reaksiyon dihang wala gipanumbaling ang mga pleadings nga gipasa sa kampo ni Estrada sa Sandiganbayan kalabot sa kasong plunder.
Alang sa abogado, dinhi makita ang dili makapanghimoot nga scenario sa korte sama sa, nauna ang silot kaysa hustisya, paglapas sa due process, irreversible damage, ug ulahi na ang pagpatuman sa Judicial prudence.
Kini ang rason nga milaum si Rodriguez nga unta ang korte magpakita sa pag-amping ug paglikay sa mga aksyon nga makahatag sa impresyon nga politikal o dili patas.
Ang premature nga warrant mahimong makadaot sa kredibilidad sa hudikatura.
