Landing sa hospital ang 22 anyos nga magtutungha human misulay kini’g kutlo sa iyang kinabuhi pinaagi sa pag-ambak sa tulay sa Carmen Bridge, ning syudad, kaganina sa buntag.
Segun sa mga nakasaksi, nakita pa nila ang biktima nga si Jeffrey Dalubay nga naglingkod sa railings sa tulay ayha mi-ambak.
Subay sa pahayag sa City Disaster Risk Reduction and Management Office (CDRRMO) ang biktima nakahigda na sa sementado nga bahin sa tulay dihang ilang na-rescue.
Gidala ang biktima sa Northern Mindanao Medical Center (NMMC) aron sutaon kung asa nga bahin sa iyang lawas ang adunay bali.
Una niini, miingon ang nakaila sa biktima nga posibleng naghambin sa kini sa bug-at nga suliran o depresyon kay siya mismo mitug-an nga nagkalisud siya sa iyang kursong Criminology ug nakakuha’g bagsak nga grado, busa misulay kini’g hunos sa kinabuhi.
