Gipalugwa sa celebrity couple nga sila si James Reid ug Issa Pressman ang ilang bag-ong kanta nga “On My Way” sa tanang digital streaming platforms.
Ang kanta apil sa 10-track album ni Reid nga “Honey, I’m Home,” nga gipagawas ubos sa Sony Music Entertainment ug naglangkob og mga kanta bahin sa gugma, pagkasuod ug mga relasyon.
Si Pressman nakigtambayayong kang Reid sa “On My Way,” diin naghatag siya og vocals samtang si Reid maoy nanguna sa kanta.
Lakip usab sa album ang “Indiana,” usa sa labing personal nga mga kanta ni Reid nga nagpakita sa iyang kasinatian ug pagpaabot isip umaabot nga amahan. James Reid and Issa Pressman drop latest song, On My Way. (raniel mahunyag)
