CAGAYAN DE ORO CITY – Moduso’g kaso ang naka-floating status nga Cagayan de Oro Water District o COWD board of directors sa korte batok sa pagtakeover sa Local Water Utilities Administration o LWUA sa syudad.
Kini human nagtoo ang maong COWD-BoDs nga nag-abuso sa gahom ang LWUA pinaagi sa pagbutang sa interim officials aron temporaryong idumala ang panubig sa dakbayan.
Namahayag si COWD board of director Gerry Caño nga tuyo lamang nila sa pagduso’g kaso sa korte nga malamdagan kon legal ba ang gihimong pagsulod sa LWUA aron sila mahikawan sa ilang mga trabaho.
Dumduman nga misulod ang LWUA appointed interim officials subay usab sa mando ni Pres Bongbong Marcos.
Sa pikas bahin,prayoridad alang sa mga negosyante nga matuki ug mahatagan sa sulad ang lantuging legal tali sa kontra sa COWD ug COBI.
Kini ang gipadayag ni Raymundo Talimio Jr,chairman sa Misamis Oriental -Cagayan de Oro MSME Devt Council nunot sa sunod-sunod nga tigom nga gihimo sa COWD interim officials sa panubig sa syudad.
Siya miingon nga mas gusto nila nga unahon una ang pagkab-ot sa short term solution sa water issue aron dili usab mabutang sa alanganin ang kahimtang sa mga konsumante sa dakbayan.
Gihinaut ni Talimio nga sa unang board meeting sa COWD interim officials ning adlawa,tipik kini sa tukion nga isyu.
