CAGAYAN DE ORO CITY – Gitahasan ni Pres Bongbong Marcos sila City Mayor Rolando ‘Klarex’ Uy ug Metro Pacific Water owner Manny V. Pangilinan nga lingkuran ang suliran tali sa bayrunon nga kanunay gipaningil sa Cagayan de Oro Bulk Wate Incorporated o COBI ngadto Cagayan de Oro Water District o COWD.K
ini ang marching order sa presidente human niya ibutyag atubangan sa Northern Mindanao govt officials nga nakaabot na kaniya ang bangi sa COWD ug COBI kabahin sa utang.
Miingon si Marcos nga dili niya gusto nga madugay ang problema rason nga gihinabi niya si Pangilinan aron sulbaron ang gisagubang nga obligasyon sa city water district.
Nagsugod ang suliran dihang wala ilha sa COWD ang sobra 400 milyones pesos nga gisingil sa COBID kay alang sa kasamtangag board of directors,depektoso ang kontrata nga gisudlan sa miaging administrasyon.
Kini ang rason nga napugos usab pagputol ang COBI sa tubig sa COWD hangtod dili pa mabayran ang ilang utang.
Apan nakakuha’g temporary restraining order sa korte an mga alyado ni Uy ug maoy misugat nga impormasyon kang Marcos dihang midalikyat sa presidential assitance giving sa mga mag-uuma ug mga mangingisda sa Aquilino Pimentel Jr International Convention Center sa Sitio Taguanao,Brgy Indahag ning syudad kagahapon sa hapon.
