CAGAYAN DE ORO CITY – Nagpadala sa sulat-hangyo ang Federation of Free Workers (FFW) kang Pres. Ferdinand Bongbong Marcos aron pugsong ang Local Water Utilities Administration (LWUA) nga imbestigaran ang kontrobersyal nga kontrata tali sa Cagayan de Oro Water District (COWD) ug Metro Pacific Water pinaagi sa Cagayan de Oro Bulk Water Incorporated (COBI).
Namahayag si FFW lead legal counsel Atty Proculo Sarmen nga dili maayong hulgaon sa ang katawhan sa distrito uno nga maoy grabeng maapektuhan kon nahinayon pa ang pagputol sa COBI sa tubig.
Dugtong niini, gikuwestiyon nila kung nganong sobra ka mahal ang singil sa tubig sa COWD ug ang isyu sa polusyon nga dala sa water facilities nga wala mihatag pag-atiman sa kinaiyahaan.
Gani,mismo ang kanhi arsobispo sa syudad nga si Archbishop Emeritus Antonio Ledesma sa Society of Jesus ang na-alarma sa suliran sa kinaiyahan gikan sa water treatment facility sa kompanyang MetroPac.
Kini ang rason nga mi-aksiyon ang grupo nga tabangan ang arsobispo sa pagpalanog sa mga suliran nga bitbit kontrobersyal nga water provider sa COWD.
Namahayag si Sarmen nga kinahanglan gahinan sa igong pondo sa national govt ubos sa General Appropriations Act (GAA) ang LWUA aron magamit sa naglisod nga water districts sa nasud.
Dismayado ang FFW sa LWUA kay ayha ra sila milihok kung tawgon sa mga imbestigasyon sa problema sa tubig, inay, tahas nila ang feasibility studies kung nganong misampot sa pagpanghulga ang suliran sa COWD-COBI contract conflict ning syudad.(Bombo Anne Quileste).
