CAGAYAN DE ORO CITY – Kutob lang sa pasangil apan galisod pag-establisar ang fact finding sub-committee sa gitukod nga task force ni City Mayor Rolando ‘Klarex’ Uy nga iduot sa kalambigitan si former city mayor Atty Oscar Moreno sa Cagayan de Oro Water District – Cagayan de Oro Bulk Water Incorporated o COWD-COBI contract alang sa syudad sa sugod 2017.
Kini ang pag-angkaon ni Kag. James Judith,nangulo sa maong sub-committee aron dunay basehan ang gibarugan sa city hall kontra Moreno.
Gihimo ni Judith ang pahayag nunot sa ikatulong adlaw sa imbestigason sa sub-committee diin nagsilbing resource person si kanhi opposition city councilor Atty. Leon Gan nga mas unang mi-kuwestiyon sa COWD-COBI contract kaniadto.
Dugtong niini,gilauman ang showdown ni Judith ug Moreno kon wala mausab ang iyang panganti nga andam motambong sa katapusang fact finding investigation sa konseho unya sa hapon.
Una nang namahayag si COWD General Manager Antonio Young nga managlahi ang pagkapirmahi sa joint venture agreement ug bulk water agreement signing sa tuig 2017 diin giakusar sa sub-committee nga usa niining pirnimahay mitunga si Moreno.
