Mag-andam ang katawhan sa Cagayan de Oro sa posibleng low water pressure samtang magsugod ang Cagayan de Oro Water District sa rehabilitation sa ilang rapid sand filters.
Matod ni Dr. Gerry Caño, chairman sa board of directors sa COWD, ang unang hugna magsugod karong Marso 17 hangtod 20, ug kini mahimong makaapekto sa pressure sa tubig sa pipila ka lugar, apan dili kini magpasabot nga walay tubig.
Sunod nga hugna sa Abril 7 hangtod 10, ikatulo Abril 21 hangtod 24, ug ang katapusan Mayo 5 hangtod 8, nga gidesinyo aron masiguro nga mobalik ang normal nga pressure sa matag hugna.
Giingon ni Caño nga ang kada hugna adunay sobra usa ka semana aron makompleto ang rehabilitation ug mahatag ang tukmang volume sa tubig sa tanan consumers. Ang tibuok proseso giandam aron mapadayon ang hapsay ug consistent nga suplay sa tubig sa dakbayan. (written by James Oliver)
