Gipamugos ni Iloilo Rep. Lorenz Defensor nga kinahanglan ablihan ang kahon nga naglangkob sa mga dokumento, lakip ang giingong tax records ni Vice President Sara Duterte, isip kabahin sa impeachment proceedings.
Gibutyag ni Defensor nga ang pag-abli sa kahon adunay dakung makaimpluwensya sa direksyon sa hearing, sama sa nahitabo sa impeachment case ni kanhi Presidente Joseph Ejercito Estrada.
Subli nagpadumdum si Defensor sa iyang kaubang magbabalaod nga ang impeachment maoy pinakataas nga matang sa national inquest aron matino ang kamatuoran ug ipapanubag ang labing hataas nga opisyal sa nasud sa kaso nga ipasaka batok kanila.
Gani, alang kang Defensor, mahimong musangpot sa “betrayal of public trust” ang pagdili sa pagbukas sa kahon gikan sa BIR ug mandato sa House of Representatives nga ipresentar ang mga ebidensya aron masusi sa mga miyembro ug makita usab sa publiko ang sulod niini.
