COWD, midepensa sa hugaw nga tubig nga gikan sa ilang tubo

Negatibo sa kagaw nga magdala sa sakit sa tawo ang tubig nga gikan sa tubo sa Cagayan de Oro Water District (COWD). 

Kini ang gibutyag ni COWD BOard of Director Gerry Caño, agig tubag sa mga nangakusar sa ilang ahensya nga adunay lapad nga "water contamination" sa syudad. 

Gitin-aw ni Caño nga milusad ang ilang team sa intensified water sampling sa mga managlahing lugar ug pulos negatibo ang resulta sa test. 

Gani, nakigkoordinar na ang COWD sa CHO aron pamatud-an nga limpyo ang ilang gisuply nga tubig. 

Dugtong niini, gitin-aw ni Caño nga kung adunay kontaminasyon sa tubig posibleng naggikan kini sa mga water tanks sa mga kan-an sa syudad, o sa mismong tubo sa mga konsumante. 

Gitin-aw usab niini nga sa miaging semana, aduna silang regular nga flushing activity nga ipahigayon busa adunay pagdalag sa tubig apan. 

Iyang gi-abisohan ang publiko nga hulatan lang malimpyo ang tubig kay luwas man imnon ang "tap water"