CAGAYAN DE ORO CITY – Makig-negosyar pagbalik ang Cagayan de Oro Water District o COWD ngadto sa MetroPacific Water pinaagi sa Cagayan de Oro Bulk Water Incorporated o COBI kabahin sa pakyas masulbad nga bayrunon sa tubig sa syudad.
Kini human kompirmaha ni COWD board of director Dr. Gerry Caño nga nagpasar sila’g resolusyon aron lingkura’g balik sa duha ka panig ang contract conflict.
Namahayag si Caño nga walay plano ang COWD nga talikdan ang bisan unsa nila nga obligasyon kon dunay klaro nga basehan.
Nagkasungag ang direksyon sa COBI ug COWD kay managlahi ang paramatrix formula nga ilang gigamit sa kuwentada sa bayrunon ug singlunon sa tubig.
Wala usab kompirmaha sa COWD kon ang ilang lakang panagang nang daan kon makahukom ang COBI nga sila kasuhan sa breach of contract kay nagdumili pagbayad sa ilang bayrunon.
Dugtong niini,gihagit saMetroPac nga unta seryoso na sa pakig-negosyar ang COWD sa isyu sa bayrunon sa tubig sa syudad.
Kini ang tubag ni Atty. Roberto Rodrigo,senior legal counsel sa kompanya sa gipalabang nga resolusyon sa hunta-direktiba sa COWD nga gibuksa’g balik ang pakig-negosyar kabahin sa pagsulbad sa isyu.
Namahayag si Rodrigo nga pabiling wala pa nila sirad-i ang ilang pultahan apan unta seryoso na pag-atubang sa suliran ang COWD.
Dumduman nga naghisgot na’g legal action ang MetroPac kon pabiling dili masulbad ang payable dispute sa duha ka panig.
