CAGAYAN DE ORO CITY – Gipatun-an ni Pres Bongbong Marcos sa Local Water Utilities Administration o LWUA kon angay ba nga sila una ang mag-takeover sa pagdumala sa COWD.
Kini tungod sa seryosong problemang pinansyal nga giatubang sa city water district nga nasamutan sa obligasyon nga kanunay gisingil sa MetroPac Water.
Miingon si Marcos nga gusto usab masiguro niini nga makiangayon ang presyuhan sa tubig apan dili angay talikdan kon dunay obligasyon nga angay sulbaron o bayran.
Tungod sa pagdumili pag-ila sa COWD sa gisingil nga utang sa COBI kay walay alang kanila walay basehan,nasakyan usab kini sa politika ang tali sa kasamtangang administrasyon ug ni former city mayor Atty. Oscar Moreno.Apan alang sa hugpong sa mga negosyante nga dili sila komportabli sa LWUA takeover.
Namahayag si Misamis Oriental – Cagayan de Oro MSME Devt Council chairman Raymundo Talimio Jr nga mas labing maayo nga tabangan hinoon sa natl govt ang COWD kaysa pasudla’g laing mga tawo nga kulang sa hibangkaagan sa pagdumala ug operasyon sa panubig sa syudad.
Hinoon,nalipay ang grupo kay nakaabot sa atensyon ni Marcos ang dugay nang problema sa COWD nga napukaw tungod sa ilang bayrunon ngadto sa MetroPac-COBI.
