CAGAYAN DE ORO CITY – Gilikayan sa Cagayan de Oro Water District o COWD nga subli maipit sa finding sa Commission on Audit o COA kabahin sa gipamugos sa Cagayan de Oro Bulk Water Incorporated o COBI nga minilyong utang pagsulbay panubig dinhi sa syudad.
Kini ang rason nga nagpalabang sa resolusyon ang hunta-direktiba sa COWD nga dili mobayad sa COBI payables nga sobra 400 million pesos.
Namahayag si COWD General Manager Engr Antonio Young nga pabiling limpyo ang ilang book of accounts ug namugos nga wala sila’y utang sa COBI.
Samtang self-serving alang sa COWD ang ilang gipamugos nga wala sila’y sobra 400 milyones pesos nga obligasyon sa gikuhang tubig gikan sa COBI sukad tuig 2018.
Kini ang tubag ni Metro Pacific Waters senior legal counsel Atty. Roberto Rodrigo kabahin sa gipamugos sa COWD nga wala sila’y utang sa COBI.
Namahayag si Rodrigo nga pakyas ang COWD nga ipamatood kon naunsa sila pagkalugi ug apektado sa epekto sa pandemya sa COVID 19 rason nga gisingil kini sa COBI sa sunod-sunod nga water rate increases.
Apan bisan niini nga legal financial dispute,pabiling abli sa win-win solution ang MetroPac sa COWD.
