Wala nay gipamaligya nga tag P50 per kilo nga price cap sa bugas nga merkado sukwahi sa gipamugos sa Department of Agriculture (DA).
Kini ang napamatud-ang sa grupong Bantay Bigas ug Amihan National Federation of Peasant Woman.
Namahayag si Cathy Estavillo nga dili matago ang kamatuoran kay bisan gi anunsyo sa DA nga Setyembre pa ang gitakdang pagsaka sa presyo sa bugas sa balor P60/Kilo pa taas, nabantayan na kini sa ilang pundok ang pagsaka sa presyo sa lokal nga bugas dungan sa pagsaka sa presyo sa lana.
Hinoon, gitin-aw ni Estavillo nga aduna pay tag P55 per kilo nga bugas apan kini imported.
Gikondinar sa grupo ang pag anunsyo sa rice price hike sa DA kay tataw nga inotil ug walay mabuhat ang gobyerno sa lihok sa merkado sa Pilipinas.
Gawas niini, gikakurat sa grupo kung nganong tag P3000 nga abono ang gihimong hinungdan sa ahensya sa pagmahal sa local rice ilabe na nga anaa pay mga abono nga mapalit sa tag P2800.
Gumikan sa pagmahal sa locsl rice klaro na ang tahas sa DA nga nagsilbi nalang spokesperson sa mga importer sa bugas sa Pilipinas.
