Nagdungan na’g saka ang presyo sa Gasolina ug Diesel. Subay kini sa labing ulahing anunsyo sa
Department of Energy (Department of Energy) kalabot sa bag-ong oil price adjustment nga epektibo ning adlawa, Martes Mayo 19. Subay sa data, musaka sa P1.21 ang kada litro sa Gasolina.
Samtang ang Diesel anaa sa P2.82 usbaw matag litro.
Hinoon, ang Kerosene adunay rollback nga muabot sa P2.21 kada litro. Kini na ang ipa-upat nga hugna sa pagsaka sa presyo sa Gasolina ug labing unang higayon sa presyo sa Diesel.
Mibahad si Energy Secretary Sharon Garin sa mga oil companies nga dili musubay sa ilang presyo nga kasuhan kay gipa-ubos pa ang nasud sa National State of Energy Emergency.
Sa pikas bahin, gibutyag sa ahensya nga ang average fuel inventory sa nasud anaa sa 45.33 ka adlaw, mas ubos itande sa 50.7 metriko tonelada sa miaging semana.
Namugos ang DOE nga ang price adjustment sa lana nagsumikad gihapon sa tensyon sa Middle East, lakip na sa subling pag-aktiba sa gubat sa Russia ug Ukraine
