CAGAYAN DE ORO CITY – Gihangyo sa City Local Environment Natural Resources Office o CLENRO ang buhatan sa Dept of Interior and Local Government o DILG 10 nga aksyonan ang 15 ka barangay nga napakyas pagsunod sa Solid Waste Management Act ning syudad.
Kini human kompirmaha ni CLENRO manager Engr. Armen Cuenca nga giduso na niini ang 15 ka barangay sa buhatan sa DENR-EMB 10 nga wala makasunod sa kalagdaan.
Namahayag si Cuenca nga dako’g tabang ang aksyon sa DILG 10 aron mapanaubag ang maong mga brgy kon nganong wala nila masunod ang halos mag-trenta ka tuig nang balaod pagdumala sa basura.
Gibutyag sa opisyal nga sa 80 ka barangay ang wala makapatuman sa balaod ang naglakip sa Bayabas;Bonbon;Bulua;Besigan;Dansolihan;Pagalungan
Pigsaan;Tignapoloan;Taglimao;Tuburan ug Tumpagon nga pulos ubos sa unang distrito sa syudad.
Samtang sa segundo distrito,kini gilakipan sa Puntod;Indahag;Nazareth ug Consolacion.
Wala pa’y eksplenasyon ang maong mga brgy atubangan sa publiko kabahin niini.
