CAGAYAN DE ORO CITY – Gimanduan sa DILG 10 ang tanang local brgy officials ug mismong mga trabahante niini nga mo-distansya sa signature campaign nga gipahigayon alang sa People’s Initiative aron usbon ang economic provisions sa konstitusyon sa nasud.
Gihimo ni DILG 10 special assistant to the regional director Edward Bhagwani ang pasidaan nunot sa kamanduan sa ilang central office aron dili maipit ang mga brgy official kon dunay manumbong niini didto sa Ombudsman.
Nagsumikad ang kamanduan ni DILG Undersecretary Chito Valmocina nunot sa mga isyu nga dunay paggamit sa brgy officials pagpapirma sa mga tawo sa dokumento ug gisaraan nga hatagan sa ayuda.
Hisayrang dinhi lang sa duha ka distrito sa syudad,sobra 60-mil ka pirma sa mga tawo ang nadawatan sa Commission on Elections gikan proponents diin dunay tahas nga kuhaon ang tres porsiento nga gimando sa balaod kabahin sa People’s Initiative.
