CAGAYAN DE ORO CITY – Limitado lamang ang panahon sa mga kandidato ubos TEAM PADAYON OSM apan mismo ang mga representante sa matag-sektor ang gihatagan nila’g gimbug-aton atol sa ilang gilusad nga Lihok Katawhan,Panaghiusa sa Hapsay nga Cagayan ning syudad.
Miingon si Teodoro Subagaa Jr,political strategist sa maong team nga maoy gusto ni kanhi City Mayor Oscar Moreno nga maggikan sa mga sector ang mga isyu angay hataga’g sulbad sa higayon nga sila buligan sa katawhan sa Mayo 12 nga eleksyon sa dakbayan.
Kini tungod kay dili gusto ni Moreno nga mahisama sa liderato ni City Mayor Rolando ‘Klarex’ Uy nga limitado ang higayon nga sila madunggan sa tinud-anay nga suliran sa ilang nagkadaiyang sector.
Hisayrang sa ilang panagtagbo sa Limketkai Mall, dul-an 7-mil ka tawo lang ang naigo kay sa facebook na lang misaksi ang ubang supporters.
