Giila ni Liga ng mga Barangay President Kapitan Marlo Tabac nga pinakadakong hagit sa solusyon sa problema sa basura sa Cagayan de Oro mao ang pag-usab sa batasan sa katawhan. Sa press briefing sa Task Force Basura Special Operation, miingon si Tabac nga kinahanglan palig-onon ang education ug information campaigns sa syudad aron ma-edukar ug madisiplina ang publiko bahin sa hustong pagdumala sa basura. Gipunting sa kapitan ang 24 katuig na ang implementasyon sa Republic Act 9003 o Ecological Solid Waste Management Act, apan, tungod kay WALAY NGIPON, halos wala kasabot niini ang mga edaran. Gani, gisugyot ni Tabac nga sa katiguwang sa balaod, anaa na unta sa lebel sa waste diversion ang ginatutukan sa komonidad, apan ang realidad, walay disiplina ug bulok ang batasan sa pipila ka residente kay dili kamao mulabay sa tukmang basurahan sa ilang hugaw. 
