Namalik na sa ilang puy-anan ang Lebanese nga naglumba pag exodus sa silingan nga nasud, sukad gisugdan sa Israeli Defense Force (IDF) ang pag-atake sa Northern, Central ug Southern porsyon sa Lebanon.
Labing daghan sa mga namalik taga Qasmiyeh.
Alang sa mga residente ang malianwon nga kasabutan naghatag sa higayon sa mga pamilya nga makabalik, ug subli makasugod sa ilang na-oktaba nga panginabuhian.
Bisan dili garantiya ang lahutay nga kalinaw, nangindahay gihapon ang pipila ka residente nga makab-ot ang malungtaron nga kasabutan sa Amerika ug gobyerno sa Lebanon.
Una niini, gitin-aw ni US President Donald Trump nga walay labot sa hisgutanang kalinaw ang militanteng pundok sa Hezbollah kay ang gobyero sa Lebanon ang mu-asikaso sa ilang internal nga konflikto.
