Gipa-paspasan sa Department of Energy (DOE) ang pagpatuman sa 22 renewable energy projects aron masolusyonan ang hulga sa krisis sa lana ug mapalig-on ang alternatibong gigikanan sa kuryente.
Gibutyag ni Usec. Claire Castro, tumong sa gobyerno nga maminusan ang pagdepende sa imported nga lana nga sagad maapektuhan sa pagsaka sa presyo sa global market.
Lakip sa mga proyekto ang 12 solar, 6 hydroelectric, 2 biomass, 1 wind project, ug 1 integrated energy storage system.
Gipamugos ni Castro nga importante kini ilabi na sa panahon sa oil crisis diin ang presyo sa petrolyo nagbag-o ug makadaot sa suplay sa kuryente ug gasto sa konsyumer.
Ang pagpalapad sa renewable energy gilauman nga maghatag sa mas lig-on, mas barato, ug mas limpyo nga suplay sa enerhiya sa nasud.
Dugang sa tigpamaba sa Palasyo nga tumong usab niini nga maprotektahan ang ekonomiya batok sa epekto sa global oil crisis.
