CAGAYAN DE ORO CITY – Walay kumpiyansa ang grupong Kagay-an Heritage Advocates kabahin sa impormasyon gikan sa DPWH 10 nga retrofitting ug dili na gub-on aron bag-uhon ang iconic Ysalina o mas ilado nga Carmen Bridge ning syudad.
Kini human unang nagpursige ang maong ahensiya nga motukod sa bag-ong tulay kay alang kanila delikado nang mahugno epekto sa kahuyang na niini.
Apan miingon si KHA member Arthur Aranas nga hangtod nga dili na makit-an ang tinud-anay nga kahimtang sa pagtrabaho sa tulay,wala sila’y ihatag nga kumpiyansa niini.
Una nang miani’g suporta gikan sa city govt ang balor 4 bilyones pesos nga proyekto apan gisupak kini sa KHA kay saksi sa kasaysayan sa syudad ang maong tulay.
Samtang namugos ang city hall nga daghang aspeto ang gikonsiderar kabahin sa pag-usab o pagtukod sa bag-ong tulay nga pabiling magdugtong sa kabarangayan sa una ug ikaduhang distrito sa dakbayan.
Gitumbok ni City Planning Devt Office manager Ramil Balquin ang kagustuhan sa natl govt nga pagbag-o na sa tibuok istraktura sa Ysalina Bridge nga dul-an gatos anyos na nga alang sa pipila ka eksperto,peligro na sa kaluwasan sa publiko.
Apan namahayag ang CPDO nga gi-balanse kini sa city hall kon angay ba nga tandugon ang maong tulay.
Hisayrang dunay gigaghin nga sobra 160 milyones pesos nga gigahin sa DPWH-Manila alang sa pagpalig-on pa sa bridge credility niini.
