CAGAYAN DE ORO CITY – Nangayo’g despensa si DSWD 10 regional director Mari-Flor Dollaga nga pakyas mahatagan sa serbisyo ang tanang mga tawo nga midagsa sa ilang opisina.
Kini bisan kon ila nang gipasabot nga limitado lamang ang mahatagan sa tabang-pinansyal kay molungtad pa sa lima ka Sabado ang maong programa sa opisina.
Gibutyag ni DSWD 10 information officer Roshiel Galla nga sa unang adlaw sa ilang pag-release sa ayuda,anaa sa sobra 7 milyon pesos nga salaping cash ang natunol sa 2-mil 306 ka benepesaryo sa rehiyon kagahapong adlawa.
Samtang mitala sa halos napulo ka tawo ang nawad-an sa panimoot sa pagdagsok sa mga tawo nga gusto makakuha sa educational assistance nga gipanghatag ngadto sa mga tinu-ang kabus sa elementarya padulong sa kolehiyo sa DSWD-10 sa Masterson Avenue,Upper Balulang ning syudad.
Miingon si Task Force Oro head Lt Col Henry Pabelonio nga gawas nga init ang palibot,gipangkabuhi na usab ang mga tawo kay daghan kanila ang sayo pa mibiya sa mga balay aron makauna’g dawat sa tabang-pinansyal.
Apan gumikan sa pagmagahi sa mga tawo nga mosunod sa gabayan,misamot ang kalangan sa cash distribution sanglit 400 lamang ang pasiunang hatagan sa ayuda.
