CAGAYAN DE ORO CITY-Gisalikway ug giyam-iran na sa hingpit sa dul-ag 20 ka sakop sa rebeldeng New People’s Army o NPA ang pakigbisog nga tuyo ipasunod kanila sa Communist Party of the Philippines sa lungsod sa Manolo Fortich, Bukidnon.
Kini human dungan nga mi-surender balik sa gobierno ang maong mga rebelde dala ilang mga armas ngadto sa militar sa Brgy Mampayag sa maong lungsod.
Miingon si 1st Special Batallion Civil Military Operation Officer Capt Frank Boral nga ang maong mga rebelde nga mi-surender ang gikan sa Guerrilla Front 68 ng North Central Mindanao Committee nga dugay nang nakigbisog batok sa gobierno sa Northern Mindanao.
Dala usab sa mga rebelde ang dul-ag 40 ka klase-klaseng armas mismo sa ilang pagbalik sa kagamhanan.
Sama sa ubang mga rebelde, ipaubos gihapon sila sa Enhanced Comprehensive Local Integration Program o E-CLIP sa gobyerno aron matabangan sa pagbag-o sa ilang mga kinabuhi.
