Nagpahimangno ang buhatan sa Office of Civil Defense Region 10 sa Northern Mindanao sa posibilidad sa pag-ulan bisan paman nga nagkalayo na ang distansya sa Tropical Depression o Bagyong Basyang sa rehiyon.
Sumala ni OCD-10,Regional Director Antonio Sugarol nga sila nagpahimangno sa dugang pag-amping ug monitoring sa mga otoridad ug katawhan tungod kay ang rehiyon naa gihapon ubos sa Signal No. 1.
Giingon pa ni Sugarol nga bisan paman sa paghunong sa makusog nga ulan kagabii, dili dapat magkompyansa ang katawhan tungod kay aduna gihapon posibilidad sa pag-ulan.
Naghinaot ang buhatan nga karong adlawa makasinati na sa kainit sa adlaw ang Northern Mindanao tungod sa pagkahimutang sa besinidad sa Anda, Bohol sa maong bagyo.
Sa pag-agi sa Bagyong Basyang sa rehiyon, nakatala ang 4 ka casualty ug 2 ka bata nga na-angol sa Cagayan de Oro, 3 ka slightly injured sa Gingoog City, ug 1 ka missing sa Tagoloan, Lanao del Norte. (James Oliver)
