CAGAYAN DE ORO CITY – Direktang gipangutana ni mayoralty candidate Pompee La Viña si incumbent City Mayor Oscar Moreno kon andam na ba kining mapriso tungod sa iyang kapin gatus nga kasong kurapsyon nga iyang giatubang.
Kini nga pangutana ang nakapainit sa duha ka mayoralty candidate atol sa “Debate sa Bombo” 2019 niadtong adlaw’ng Sabado.
Nagtoo si La Viña nga si Moreno ang mosunod nga alkalde sa Misamis Oriental nga mabilanggo sa kasong kurapsyon human kang kanhi Claveria Mayor Antonio Calingin.
Si La Viña miingon nga nagpapili siya isip mayor sa syudad tungod sa iyang laraw nga bag-ohon ang dakbayan ug pulihan ang mga corrupt officials.
mayoralty candidate Pompee La Viña
Samtang, masaligon si incumbent City Mayor Oscar Moreno nga mabasura ang kapin gatos nga kasong kurapsyon nga iyang giatubang sa Sandiganbayan, Ombudsman ug Office of the President.
Siya miingon nga kaya niyang depensahan ang iyang kaugalingon batok sa mga akusasyon nga gibato kaniya sa iyang mga kaatbang sa pulitika.
Gani, gitawag ni Moreno nga master of demolition job si mayoralty candidate Pompee La Viña tungod sa iyang laraw nga pulihan siya sa pwesto.
Gidayeg usab sa kasamtangang alkalde ang mga fake news ug black propaganda ni La Viña aron dauton ang iyang administrasyon.
Dugang niini nga dili usab angayang kalimtan ni La Viña nga gilangkat siya sa pwesto isip commissioner sa SSS ni Pres Rodrigo Duterte tungod sa kurapsyon ug conflict of interest.
