CAGAYAN DE ORO CITY – Nauyunan sa konseho nga hatagan sa plastar nga pagpahiluna ang dul-an 300 ka mga bukog sa mga residente nga apil sa namatay epekto sa paglampurnas sa bagyong Sendong sa dakbayan niadtong Disyembre 16,2011.
Gisugyot ni Konsehal James Judith pinaagi sa iyang special report sa ilang sesyon kagahapon sa hapon nga angayang mahatagan usab sa desente nga pag-atiman ang maong mga bitkima nga pabiling wala maila.
Kini ang rason nga apil sa iyang gisugyot nga subli magpatabang sa National Bureau of Investigation aron ilhon sa mga bukog sa maong mga biktima ug matug-yan sa mga tagtungod niini.
Gilayong mibarog si social services committee chairperson Konsehala Girlie Balaba aron dawaton ug diskusyunan ang isyu.
Hisayrang sa pag-igo sa bagyong Sendong,sobra libo ka residente ang namatay ug daghan ang pabiling wala pa gihapon makita ning panahona.
