CAGAYAN DE ORO CITY – Gihikay na ang kasong frustrated murder batok sa duha ka suspek nga mipusil sa election officer nga nadestino sa Kolambugan,Lanao del Norte.
Giila ni Police Regional Office 10 spokesperson Lt Col Michelle Olaivar ang biktima nga si Leonilo de Gamo kinsa gihatagan pa’g medikasyon samtang naka-confine sa ospital sa Ozamiz City.
Gibutyag ni Olaivar nga natigayon ang pagpamusil tungod sa giingong panagdumot sa biktima ug suspek gumikan sa panaglalis nila sa miaging election registration sa miaging bulan.
Una nang gikondinar sa kadagkuan sa Comelec ang hinimuan sa mga suspek ngadto sa ilang kauban sa trabaho.
