CAGAYAN DE ORO CITY – Nahukman ni kanhi City Mayor Oscar Moreno ug sa pamilyang Emano nga ipadaplin ang tagsa-tagsa nila ka pagbati bunga sa politika alang sa ikaayo sa kahimtang sa dakbayan.
Kini ang rason nga gidala sa Partido Padayon Pilipino si Moreno nga mahimong kandidato pagka-mayor batok sa bando ni incumbent City Mayor Rolando ‘Klarex’ Uy sunod tuig nga piliay.
Namahayag si Moreno nga taas nga panahon nga nagka-kontra politika sila ni kanhi City Mayor Vicente ‘Dongkoy’ Emano ug Misamis Oriental 2nd District Cong. Bambi Emano apan tungod sa managsamang tumong paghaw-as sa dakbayan,nagkauyon sila sa ilang mga tinguha.
Gani,mas gipili ni Moreno nga dili panismalan ang mga Emano human nabasura ang tanang kasong kriminal niini nga iyang giatubang didto sa Sandiganbayan.
