CAGAYAN DE ORO CITY – Kuwapilikado ug sulod sa kontrata ang kompanyang Metro Pacific Waters aron magsilbing supplier sa panubig sa katawhan sa dakbayan.
Kini ang pagpasabot ni COWD General Manager Engr Antonio Young sa gipamugos sa konseho nga misulod sa syudad si MetroPac nga walay bisan usa ka pasilidad aron mohatod sa panubig ngadto sa mga konsumante.
Miingon si Young nga nagbaton sa igong kuwalipikasyon ang COBI sa aspetong technical,legal ug pinansyal.
Gitugot usab sa kontrata nga magpalit lang sa tubig ang MetroPac kang Rio Verde aron ihatod sa COBI ngadto sa COWD consumers.
Dumduman nga gikuwestiyon kaniadto ni kanhi COWD General Manager Engr Rachel Beja sa board of directors kon dili ba dakong ilegal ang pagtugot sa MetroPac pagsuplay sa tubig sa syudad nga walay bisan usa ka pasilidad.
Apan nasuta usab sa pirmadong kontrata sa duha ka panig nga nakakuha’g pagtugot gikan sa Local Water Utilities Administration o LWUA ug Office Of The Government Corporate Counsel (OGCC) ang gisudlang transaksyon sa COWD.
