CAGAYAN DE ORO CITY – Wala pa’y bisan unsa nga balaod sa eleksyon ang nasupak sa gihimong pag-presentar ni City Mayor Rolando ‘Klarex’ Uy sa pipila ka aktibong city councilors ug ang mga kabanay nga gitoohang mohulip sa last termers na nga mga sakop sa konseho sa syudad sa 202 5 elections.
Kini ang giklaro ni Misamis Oriental Provincial Election Supervisor Atty. Carlito Ravelo nunot sa gihimo sa mayor sa matag-brgy activity niini sa miaging mga semana.
Namahayag si Ravelo nga samtang dili pa sulod sa election period ang mga politikanhong kalihukan sa mga politiko,wala pa’y gahom ang Comelec paggukod kanila.
Apan mihagit kini sa ubang mga buhatan sa gobierno nga mohimo’g aksyon kon dayag nasupak ang mga gabayan nga angay unta kanunay’ng sundon sa elected public officials.
