CAGAYAN DE ORO CITY, Philippines – Nakatilaw sa sakit nga pagsaway gikan sa liderato sa Senado ang mga naglangkob sa House Prosecution Panel, kinsa nagpanikad na nga masugdan ang impeachment trial ni Bise Presidente Sara Duterte.
Mahinumduman nga walag-tuo nga batikos ang nadawat ni Senate President Francis Chiz Escudero human gidudahan kining nagpugong sa hearing sa bise presidente ug gisaway nga wala masabti ang mando sa konstitusyon kalabot sa pagconvene sa mga senator judges aron mu-abante ang impeachment hearing taliwala nga anaa sila sa session break.
Abiso ni Escudero sa mga agrisibong magbabalaod nga mukalma ug subli tun-an ang unod sa konstitusyon.
Una niini, dili mahimong magconvene ang senado tungod kay kulang sila sa 12 ka mga senador ug kinahanglan nila makomplete ang 24 ka ihap sa Hunyo 30 ayha masugdan ang regular nga pagdungog.
