Gideklarar ni Acting Governor Tahesha Way ang State of Emergency sa Ocean County, New Jersey tungod sa Jones Road Wildfire.
Pinasikad sa Executive Order No. 387, iyang gimanduan ang tanan katawhan nga mubakwit ilabe sa mga lugar nga posibleng agi-an sa kalayo.
Iya usab gipalihok ang tanan hingtundan ahensya aron mahatagan sa ayuda ang mga tanan apektado nga mga residente.
Unang namahayag ang State Forest Fire Service nga 40% nang kontrolado ang kalayo, apan, na-abo ang tanan punuan sa kahoy ug mga puy-anan sa 8,500 ka ektarya nga bahin sa ilang lugar.
Ang sunog sa lasang midamyos sa kapin 1,000 ka estruktura. Gumikan niini, anaa sa 25,000 ka residente ang nawagtangan sa kuryente, ug ang mga evacuation orders gipahamtang sa pipila ka lugar.
Anaa sa 5,000 ka evacuees sa Waretown ug Lacey ang gitugotan nang mobalik sa ilang mga panimalay, apan ang mga awtoridad nag-awhag sa katawhan nga magpabilin nga mabinantayon tungod sa epekto sa baga nga aso.
Natumbok sa mga otoridad ang usa ka 19 anyos nga si Joseph Kling, molopyo sa Waretown, isip suspek sa hitabo human ang iyang gimugna nga bonfire nga wala matarong pagpalong ang miresulta sa lapad nga sunog sa lasang.
Gipasakahan na ang suspek sa kasong aggravated arson ug arson.
