CAGAYAN DE ORO CITY – Nahukman sa Committee on Women, Children, Family Relations and Gender Equality ni Senador Risa Hontiveros nga e-contempt si dismissed Bamban Tarlac Mayor Alice Guo tungod sa walay pahutak nga pagpamakak ug pagbaraw sa pipila ka impormasyon nga gusto masayran sa mga senador sa gilusad nga senate probe, kaganinang buntag.
Ang rekomensasyon hiniusang nauyunan tungod sa pagdumili no Guo sa pagtubag sa mga simpli nga pangutana sama sa pagkompirmar kung iya ba ang nawong nga anaa sa pasaporte nga may ngalang Guo Hua Ping.
Dili usab matubag sa ex-mayor kung kinsang yate ang ilang gigamit pagawas sa Pilipinas padulong sa Malaysia.
Nabulgar usab sa hearing ang Municipal Mayor nga gitoohang hinigugma ni Guo ug protector sa ilegal Pogo sa Bamban nga si Sual, Pangasinan Mayor Liseldo “Dong” Calugay.
