Gitudlo ni Department of the Interior and Local Government (DILG) Secretary Jonvic Remulla si kanhi Bangsamoro Transition Authority 1 (BTA1) member Sultan Edrieza Hadji Nasser Rimbang nga maoy nagpaluyo sa 521 ka kilo nga drug shipment,nga padulong unta sa Pilipinas, apan nababagan sa kagamhanan sa Laos.
Matud ni Interior Secretary Remulla, si Rimbang ang nagpondo sa maong drug shipment nga nagkantidad og 3.5 bilyon pesos.
Dugtong niini, gipanghimakak ni Remulla nga adunay koneksiyon si kanhi Presidente Rodrigo Duterte kang Rimbang tungod sa mga hulagway niini ug sa iyang asawa nga kauban si Rimbang, diin matud pa ang maong pasangil kay usa lamang ka paagi aron tubagon ang mga reklamo nga gikan sa Manila ang nalambigit sa maong shipment ug gipatin-aw niini nga ang nalambigit sa maong operasyon kay si Rimbang ug ang mga kauban lamang niini. (raniel mahunyag)
