CAGAYAN DE ORO CITY – Gitangtang sa Ombudsman sa serbisyo si kanhi Puntod Brgy Kapitan Marvin ‘Binky’ Beja ug mga kauban tungod sa ilegal nga paggamit sa panalapi sa ilang brgy ning syudad.
Kini human pabori sa Ombudsman ang reklamo ni Mar Giovanni Cabingas ang iyang pasangil batok kang Beja,Kanhi Puntod Kag Tyler Sia ug kanhi Brgy Treasurer Carla Javonillo nga illegal nagpagawas sa cash advance alang sa ‘declogging’ sa ilang drainage sa tuig 2015.
Miingon si Ombudsman Samuel Martires nga serious dishonesty ug nasupak usab sa mga akusado ang conduct prejudicial to the best interest of the service ug grave misconduct gisudlan nga transaksyon rason nga angay sila pangtangtangon sa trabaho.
Nasuta usab nga duha sa ilang gipa-trabaho sa maong programa ang wala masayod nga nalakip ang ilang pangalan apan dunay midawat sa mga suhulan niini.
Nasuta nga anaa sa dul-ag 40-mil pesos nga cash advance ang gipagawas sa mga akusado ug mihatag usab sila sa 4-mil 800 pesos kada-trabahante nga gitratar sa Ombudsman nga dakong ilegal.
Samtang gitinguha sa Bombo Radyo nga makuhaan sa panig si Beja sa maong isyu apan wala niini tubaga ang mga tawag sa Bombo Radyo.
