CAGAYAN DE ORO CITY – Gikompirmar ni kanhi Department of Agriculture o DA Undersecretary Pompee La Viña nga modagan pagbalik sa pagka-mayor ubos sa partido Padayon Pilipino sa 2022 presidential elections sa syudad.
Kini bisan nga sobra pa ka sayo aron hisgutan ang politika diin siya unang gipildi ni 3rd termer City Mayor Oscar Moreno sa miaging Mayo 2019.
Namahayag si La Viña nga mohimo sila’g re-organisasyon aron ipalig-on pa ang alyansa sa Padayon Pilipino nga tinukod sa namatay nga si kanhi Mayor Vicente Dongkoy Emano ug Cong Rufus Rodriguez sa Centrist Party of the Philippines o CDP.
Miingon si La Viña nga tiwason niini ang paghatag sa bag-ong istilo sa serbisyo sa Cagay-anons rason nga subli modagan pagka-mayor sa dakbayan.
Namahayag si La Viña nga sa kapi’g 100-mil ka botante nga nagsalig kaniya tungod sa partido Padayon Pilipino ni Emano,dili lisod alang kanila nga makuha ang kadaugan sa 2022 nga piliay sa syudad.
Giangkon ni La Viña nga napildi sila sa miaging petsa 13 nga piliay sa Mayo 2019 tungod sa kakulang sa panahon aron mapaabot ang mensahe ngadto sa mga botante.
Dugang sa kanhi cabinet official ni President Rodrigo Duterte nga kuyog ang posibleng pagsulod sa syudad ni Misamis Oriental Gov Bambi Emano o bisan kinsa gikan sa Padayon Pilipino,magbaton sila’g lig-ong mga kandidato kauban ang grupo usab ni Rodriguez sa CDP.
Giklaro usab ni La Viña nga bisan kon nagkabangga ang baruganan nila ni Moreno kinsa anaa na sa iyang katapusang termino sa pagka-mayor sa syudad apan wala sila sila’y dumot sa personal nga kinabuhi.
