Gipa-ubos pa sa rebyu sa Food Terminal Incorporated (FTI) ang sugyot sa City Council nga magbukas sa laing branch sa P20 Rice Program sa Brgy Patag, ning syudad.
Kini ang gitin-aw ni Kharren Retiza Acting Branch Manager – National Food Authority – Misamis Oriental Branch.
Miingon si Retiza nga wala sa mandato sa NFA ang mamaligya sa bugas apan sila igo lang mi-abag sa FTI.
Gani, ang tanan dokumento sa sugyot gikan sa konseho napasa sa legal team sa FTI aron kini ikonsiderar ug ma-implementar kung matugutan.
Mahinumduman nga mismo si ABC President ug Gusa Barangay Chairman Marlo Tabac ang nagpasa sa resolusyon nga himoong barangay-to-barangay ang pagpamaligya sa tag 20 PESOS per kilo nga bugas aron mas “accessible” kini sa mga residente kay ang Tablon Branch, dakung disbentaha sa mga konsumante gikan sa lagyo nga barangay ning syudad.
