CAGAYAN DE ORO CITY – Misaka pa sa kapin 100mil ka tawo ang mitambong sa opening mass sa piesta sa Divine Mercy Shrine sa Ulaliman El Salvador City, Misamis Oriental.
Base sa ulahing report sa El Salvador PNP, gibutyag sa kapulisan nga halos dili mahulugan sa dagom ang ihap sa mga deboto ug pilgrims nga misaka sa shrine ning adlawa.
Dumduman nga sa milabay’ng pakighinabi sa Bombo Radyo kang Kits Adaza, presidente sa Divine Mercy of Mindanao in the Phils Inc., iyang gibutyag nga bisan ang mga kaparian niadto wala mituo sa ilang gihimong proyekto.
Apan karon, nakita na sa simbahang katolika ang milgaro nga nahatag sa gitukod nga 50 metros nga statua sa Diosnong Kalooy.
