Nag-atubang sa dakung risgo ang mga pasyente sa Gaza. Kini ang gibutyag ni Ahmed Al-Nabris, usa ka internal medicine specialist sa Nasser Hospital sa Gaza.
Usa sa ilang grabeng pagsuway mao ang power cuts sa ospital.
Siya mitug-an sa internasyonal nga prensa nga kulang na ang suplay sa fuel, engine oil, ug spare parts nga hinungdan sa pagkapalaw sa mga generator.
Ang sitwasyon nagresulta sa kainit sa mga ward ug paglangan sa pagtambal sa mga pasyente.
Gipalanog usab niini nga kritikal na ang kahimtang sa ospital nga usa sa pinakadako nga nag-operar pa sa Gaza.
Ang mga doktor ug staff nagpadayag sa ilang kabalaka nga mahimong mamatay ang pasyente kung dili masulbad ang problema.
