CAGAYAN DE ORO CITY -Nangayo’g tabang-pinansyal ang kabus nga pamilyang Ubanan nga sila maabagan sa ilang galastuhan samtang nakahaya ang mahal nila sa kinabuhi nga nalumos-patay samtang naligo sa suba sa Sitio Tinib-Biasong,Brgy Macasandig sa syudad.
Giila ang biktima nga si Montesa Abordo 25 anyos nga tubong-Negros Oriental apan nagpuyo na sa Sitio Mangga Putol sa maong brgy.
Saysay sa bana nga si Christopher Ubanan nga nangaligo sila sa suba kuyog sa ilang mga anak dihang naglisod siya’g langoy.Paspas nga mihimo pagluwas ang iyang asawa kaniya apan kini na hinoon ang nalumos ug na-missing sa pila ka adlaw.
Nakit-an ang patay’ng lawas ni Abordo nga naglutaw-lutaw na lamang sa Cagayan de Oro river kagahapong adlawa.
