Segun sa Gingoog City Police Office, gibana-bana sa 700 to 1000 ka indibidwal ang mipaubos sa pre-emptive evacuation sugod ganina buntag tungod sa hadla nga dala sa Bagyong Basyang.
Signal no. 2 ang tibook Misamis Oriental, subay sa latest forecast.
Anaa sa matag evacuation centers ang mga social welfare workers nga maoy naglista sa mga ngalan sa mga namakwit.
Sila usab ang responsabli sa pag-apud sa libreng pagkaon, ug non food item, kaabag ang mga opisyal sa apektadong barangay.
Ang presensya sa kapulisan maoy nakapadasig sa mga bakwit nga mupuyo sa shelter areas kay sigurado silang luwas hangtud sa paglabay sa bagyo.
