Nagpagawas sa direktiba si Presidente Ferdinand Marcos Jr. nga nagdili sa pagpondo sa sobra nga diesel taliwala sa hagit sa suplay sa lana sa nasud.
Gipahugtan sa gobyerno ang monitoring aron masiguro nga dili mahurot ang stock sa merkado ug malikayan ang artipisyal nga pagsaka sa presyo.
Ang mga grupo lamang nga duna’y lehitimong panginahanglan, sama sa mga mangingisda ug mga ospital, ang gitugotan nga mag-PUNDOK og krudo alang sa ilang operasyon.
Hugot nga gimandoan ang Department of Energy sa pagbantay sa mga gasolinahan aron masiguro nga ang suplay mapadulong gayod sa mga tinuod nga nanginahanglan niini.
Nanawagan ang administrasyon sa publiko nga mopalit lamang sumala sa saktong kinahanglanon aron malikayan ang kakuwang sa suplay alang sa uban natong mga kaigsuonan. (Jane Abulag)
