Dako ang posibilidad nga ideklarar sa Korte Suprema nga nakahimo og grave abuse of discretion ang Senate Impeachment Court tungod sa pag-usab sa voting requirement sa impeachment case batok kang Vice President Sara Duterte.
Gibutyag sa legal analyst nga si Atty. Pat Trimor nga nakit-an ang dako nga peligro kon paboran ang “actual voting” imbes sa kinatibuk-ang miyembro sa Senado, tungod kay pwede kining gamiton sa naghupot sa gahum batok sa mga oposisyon.
Gipasabot sa abogado nga ubos sa judicial power sa Korte Suprema, aduna kini katungod nga repasuhon ug pugngan ang bisan unsang buhatan sa gobyerno nga magpasobra sa gahum.
Busa, gitin-aw sa abogado nga pwedeng mabalik sa orihinal nga 16 ka boto ang gikinahanglan nga threshold imbes sa 14 ka boto.
