Hugot nga nanawagan karon ang Student Council Alliance of the Philippines kon SCAP ngadto sa Commission on Higher Education mahitungod sa gipagawas nga memorandum nga nag-awhag sa pagpatuman sa online classes aron makadaginot sa kuryente taliwala sa naselyuhang energy crisis sa nasud.
Gipasiugda sa grupo nga dili makiangayon nga ang edukasyon ang magpas-an sa tunga-tunga sa krisis sa enerhiya, hinungdan nga giduso nila ang pagpatuman sa flexible learning imbes nga diretso nga online classes.
Buot sa SCAP nga hatagan og saktong suporta ang mga estudyante pinaagi sa subsidya sa internet ug pletehan, dungan sa pagsugyot og usa ka nationwide student survey aron masayran ang tinuod nga kahimtang ug panginahanglan sa matag magtutungha.
Kini nga lakang nagtumong nga makabaton og solusyon nga haom gayod sa kapasidad sa matag pamilya ug dili lang basta-basta nga pagpatuman sa lagda nga walay konsultasyon sa mga apektadong sektor. (jane mae abulag)
