CAGAYAN DE ORO CITY – Dismayado na ang pipila ka negosyante kalabot sa pakyas pa gihapon mahataga’g sulbad nga sulirang-pinansyal tali sa Cagayan de Oro Water District ug Cagayan de Oro Bulk Water Incorporated o COWD-COBI isyu.
Miingon si Misamis Oriental-Cagayan de Oro MSME Devt Council chairman Raymundo Talimio Jr kinsa chairman of the board usab sa Oro Chamber of Commerce nga naghatag kini’g negatibo nga epekto atubangan sa business community.
Apan giklaro usab ni Talimio nga gikinahanglan ang city govt intervention ilabina nga nakataya ang interes sa katawhan pag-abot sa isyu sa panubig sa dakbayan.
Samtang gihimakak sa city govt nga gipang-abog ang dagkong mga investor aron mobubo sa ilang mga negosyo dinhi sa syudad.
Kini ang tubag ni COWD BOD member Dr. Gerry Caño sa gipalanog nga pagka-dismaya sa pipila ka hugpong sa mga negosyante nunot sa isyu sa contractual conflict tali sa COWD ug COBI.
Namugos si Caño nga nabutang sa dili maayong dungog ang dakbayan tungod sa pipila ka politiko nga nagpa-epal aron pabiling ilhon nga importante atubangan sa katawhan.
Hinoon,wala nganli ni Caño kon kinsa ang maong mga politiko apan tipik sa dayag misaway sa isyu si kanhi City Mayor Oscar Moreno.
